गजल

मेरो सामु ठाडो शिर झुकाउछिन र चुस्स हेर्छिन

दुवै आँखा परेलीमा लुकाउछिन र चुस्स हेर्छिन

कहिले बिस्तारै हिड्छिन कहिले हिड्छिन बेजोड संग

अलि अलि कोमल पाइला रुकाउछिन र चुस्स हेर्छिन

परै बाट लजाउदै आउछिन जम्का भेट हुदा

छेउमा पुग्दा ओठ मुख सारा सुकाउछिन र चुस्स हेर्छिन

केहि कुरा भन्न खोज्छिन फेरी ओठ टोक्न थाल्छिन

मनको कुरा मनै भित्रै लुकाउछिन र चुस्स हेर्छिन

मेरै बाटो कुरिरहन्छिन पल्लो मोडमा म आइपुग्दा

सारा खुसि ओठ भरि फुकाउछिन र चुस्स हेर्छिन

 गजल

म रोएको बेला हसाउने एउटा मान्छे 

तानेर छेउमै  बसाउने एउटा मान्छे

भेट्नलाई  सधै  हतार गर्ने अनि 

छुट्ने बेला  आँशु  खसाउने एउटा मान्छे

अलि  धेरै दुख अनि थोरै खुशी

सुनाउदा छातीमा टसाउने एउटा मान्छे

नजान्दा नजान्दै मुटुमा डु बाउन 

अलि अलि माया रसाउने एउटा मान्छे

अनि भाग्न खोज्दा मनमै बाँधेर 

नटुट्ने डोरीले कसाउने एउटा मान्छे

लौ है हजुर साह्रै नै खाँचो छ 

दिनेश लाइ प्रेममा फसाउने एउटा मान्छे

गजल

मेरा लागि सारा संसार तिमि मात्रै पनि हैनौ 

जिन्दगीको सबै आधार तिमि मात्रै पनि हैनौ

तिमि रश्मि छर्दै आउदा रमाउछु म आफै भित्र 

तर घरको सबै संघार तिमि मात्रै पनि हैनौ

उही नदी उही पहाड यात्रा धेरै सुन्दर लाग्छ 

बाटो बीचको सबै जंघार तिमि मात्रै पनि हैनौ

धेरै पाटो जिन्दगीको बस एउटा पाटो तिमि 

मुटु भित्र सबै  प्यार तिमि मात्रै पनि हैनौ