गजल

मेरो सामु ठाडो शिर झुकाउछिन र चुस्स हेर्छिन

दुवै आँखा परेलीमा लुकाउछिन र चुस्स हेर्छिन

कहिले बिस्तारै हिड्छिन कहिले हिड्छिन बेजोड संग

अलि अलि कोमल पाइला रुकाउछिन र चुस्स हेर्छिन

परै बाट लजाउदै आउछिन जम्का भेट हुदा

छेउमा पुग्दा ओठ मुख सारा सुकाउछिन र चुस्स हेर्छिन

केहि कुरा भन्न खोज्छिन फेरी ओठ टोक्न थाल्छिन

मनको कुरा मनै भित्रै लुकाउछिन र चुस्स हेर्छिन

मेरै बाटो कुरिरहन्छिन पल्लो मोडमा म आइपुग्दा

सारा खुसि ओठ भरि फुकाउछिन र चुस्स हेर्छिन